വാഷിംഗ്ടൺ: ഇറാനും ഇസ്രയേലും തമ്മിലുണ്ടായ സംഘർഷത്തിൽ ഇടപെട്ടതിന് യുഎസ് പ്രസിഡന്‍റ് ഡോണൾഡ് ട്രംപിനോട് ഇസ്രയേൽ പ്രധാനമന്ത്രി നന്ദി അറിയിച്ചു.
ട്രംപിനെ സമാധാന നൊബേലിനു നാമനിർദേശം ചെയ്തുകൊണ്ടു നൊബേൽ കമ്മിറ്റിക്ക് കത്തയച്ചിട്ടുണ്ടെന്നും നെതന്യാഹു പറഞ്ഞു. ഇസ്രയേലികളുടെ മാത്രമല്ല, മൊത്തം ജൂതരുടെ അഭിനന്ദനവും ആരാധനയും പ്രകടിപ്പിക്കുകയാണെന്നു പറഞ്ഞുകൊണ്ടാണ് അദ്ദേഹം കത്ത് ട്രംപിന് നൽകിയത്.“മിസ്റ്റർ പ്രസിഡന്‍റ്, നൊബേൽ സമ്മാന കമ്മിറ്റിക്ക് അയച്ച കത്ത് താങ്കൾക്ക് നൽകാൻ ഞാൻ ആഗ്രഹിക്കുകയാണ്.
താങ്കൾ പുരസ്കാരത്തിനു പൂർണമായും അർഹനാണ്’’, വാഷിംഗ്ടണിൽ നടന്ന യോഗത്തിനിടെ നെതന്യാഹു പറഞ്ഞു. വളരെ നന്ദി ബീബി...താങ്കൾ തരുന്പോൾ ഇത് വളരെ അർഥം നിറഞ്ഞതാണ് എന്ന് പറഞ്ഞുകൊണ്ട് ട്രംപ് കത്ത് സ്വീകരിച്ചു. നിരവധി ആഗോള സംഘർഷങ്ങളും യുദ്ധങ്ങളും അവസാനിപ്പിച്ച താൻ നൊബേൽ സമ്മാനത്തിന് അർഹനാണെന്ന നിലപാടാണ് ട്രംപ് വളരെക്കാലമായി സ്വീകരിക്കുന്നത്.
LOGIN
